Жээнбеков "Шератон" мейманканасынын ачылышы туризмге оң таасир этет деп ишенет
Кыргызстанда инвесторлордун активдери жана жеке менчик бекем корголгон, мамлекет толук коргоо кепилдиктерин камсыздайт. Бул тууралуу кыргыз-турецкий форумда президент Сооронбай Жээнбеков билдирди.
Мамлекет башчысы Кыргызстанда экономикалык потенциалды жогорулатууга багытталган бир катар ири долбоорлор ишке ашырыларын белгиледи.
Атап айтканда, транспорттук инфраструктура жакшыртылууда, автомобиль жана темир жол байланыштарын кеңейтүү, авиаперевозкалар рыногун өнүктүрүү жана соода-логистикалык хабдарды түзүү пландалууда.
- Бизде инвесторлорду кызыктыра турган кичи ГЭСтерди куруу боюнча долбоорлор бар. Туризм тармагында биргелешип долбоорлорду ишке ашыруу үчүн көп мүмкүнчүлүктөр бар. Кыргыз тарап экологиялык таза продукциянын, анын ичинде эт, кургатылган жемиштер, бал, жаңгактар жана фасоль экспортун көбөйтүүгө даяр. Мамлекеттик кызматтар электрондук форматка өткөрүлүүдө. Түркиянын маалымат технологиялары боюнча жетишкендиктерин эске алганда, бул биздин түрк досторубуздун кызыгуусун жаратат деп ойлойм, - деди президент.
Ал форумдун катышуучуларын жогоруда аталган тармактарга инвестиция салууга чакырды. Түрк капиталынын инвестицияларынын ийгиликтүү мисалы катары Жээнбеков Бишкекте бүгүн ачылган "Шератон" мейманканасын келтирди.
- Мен бул өлкөдөгү туризмдин өнүгүшүнө оң таасир этет деп ишенем. Биздин түрк досторубузга, мырза Айдын Мыстачоглуга, бул долбоорду ишке ашыргандыгы үчүн ыраазычылык билдиребиз. Эки өлкө ортосундагы достукту бекемдөөгө багытталган ишмердүүлүгүңүздө ийгилик каалайбыз, - деди Сооронбай Жээнбеков.
Өз кезегинде ТРК Bishkek Park жана Sheraton Bishkek Hotelдин негиздөөчүсү Айдын Мыстачоглу президентке ар тараптуу колдоосу үчүн ыраазычылык билдирди.
- Мейманкана 25 миң чарчы метрди ээлейт, 500дөн 1000ге чейин адамды кабыл ала турган конгресс-холл, биринчи класстагы ресторан, люкс номерлер, патша апартаменттери бар. Биз сунуш кылган жогорку сапаттагы кызматтар инвестицияларды дагы көбөйтүүгө чоң стимул болот деп үмүттөнөбүз, - деди Мыстачоглу.
