Кыргызстанда кызматтык кылмыштар үчүн соттолгон чиновниктердин бирдиктүү базасы пайда болот
Кыргызстандын Башкы прокуратурасы 2018-жылдын 1-июнуна чейин коррупция менен байланышкан кызматтык кылмыштар үчүн кылмыш жоопкерчилигине тартылган чиновниктердин бирдиктүү маалымат базасын түзүшү керек. Улуттук коопсуздукка коркунуч катары коррупцияны жоюу жана ага каршы күрөшүү боюнча мамлекеттик деңгээлде жасалган бул жана башка кадамдарды камтыган Коопсуздук кеңешинин чечимин республика башчысы Сооронбай Жээнбеков кол койгон.
Ошондой эле, 2018-жылдын сентябрына чейин көзөмөл органдарына өлкөдөгү укук коргоо жана сот органдарында жоголгон кылмыш иштеринин толук электрондук реестрин түзүү тапшырылган. Мындан тышкары, Башкы прокурор кызматтык жана экономикалык кылмыштар боюнча бардык кылмыш иштерин инвентаризациялап, тергөө процессинде бузулууларды аныктоосу керек. Бузулууларды аныктоо менен Жогорку сот да алектенет - атап айтканда, 2018-жылдын 1-июлуна чейин ведомствого актоочу өкүмдөрдү, соттун чечимдерин жокко чыгаруу жана ошол эле багыт боюнча кылмыш иштерин токтотуу учурларын талдоо тапшырылган.
Эскерте кетсек, январь айында КР өкмөтү республикадагы министрликтердин жана ведомстволордун коррупциялык рейтингин түзгөн, аны КР Мамлекеттик бажы кызматы баштап, андан кийин ГСИН, ИИМ, экономикалык кылмыштарга каршы күрөшүү кызматы, Билим берүү министрлиги жана салык кызматы жайгашкан.
