Дүйнөлүк тазалык күнүндө Сооронбай Жээнбеков Ботсаду тазалады
Мамлекет башчысы бүгүн, 15-сентябрда, Дүйнөлүк тазалык күнүндө, Гареев атындагы Ботаникалык бакта өткөн субботникке катышты. Президент менен бирге бактын аймагын кургак чөптөн белгилүү экологдор, «Эко Деми» коомдук фондунун волонтерлору жана Президенттин Аппаратынын кызматкерлери тазалашты.
Субботниктен кийин Сооронбай Жээнбеков Ботсаддын абалы менен таанышып чыкты. Жашыл аймакты реконструкциялоо пландары тууралуу Ботаникалык бактын директорунун милдетин аткаруучу Гулайым Донбаева жана Бишкектин мэри Азиз Суракматов маалымат беришти.
Ушул 10 жылдан бери волонтерлор адамдарды планетасын тазалоого кошулууга чакырышууда. Бул жылы акцияга 150 өлкө, анын ичинде Кыргызстан да катышты.
