Кыргыз Республикасынын Юстиция министри А. Шыкмаматов Шанхай Кызматташтык Уюмуна мүчө мамлекеттердин юстиция министрлеринин экинчи жыйынына Россия Федерациясынын Владивосток шаарында катышты.
Жыйында ШКУга мүчө мамлекеттердин юстиция тармагындагы кызматташтыгынын актуалдуу маселелери, анын ичинде соттук-эксперттик ишмердүүлүк жана мыйзамдын үстөмдүгүн сактоо механизмдерин жакшыртуу талкууланды. Мындан тышкары, ШКУга мүчө мамлекеттердин эксперттери арасында нормаларды түзүү жаатында тажрыйба алмашуу болду.
Ошондой эле, өткөн жылы Пекин шаарында өткөн ШКУ юстиция министрлеринин биринчи жыйынынын жыйынтыктары чыгарылды.
Эскерте кетсек, Шанхай Кызматташтык Уюмунун юстиция министрлеринин жыйынынын негизги максаты – ШКУ өлкөлөрүндө тынчтык, туруктуулук жана өнүгүүнү камсыз кылуу үчүн укуктук камсыздоону колдоо болуп саналат.
