Бүгүн, 9-майда, Кыргыз Республикасынын Премьер-министри Темир Сариев Улуу Ата Мекендик согуштагы Жеңиштин 70 жылдыгына арналган иш-чараларга катышты.
Өкмөт башчы Улуу Ата Мекендик согушта курман болгондордун элесин эскерип, Бишкек шаарындагы Жеңиш аянтында Түпкүлүктүү отко гүл чамбарын койду.
Иш-чарага ошондой эле Улуу Ата Мекендик согуштун ардагерлери, тыл эмгекчилери, эмгек ардагерлери, Кыргыз Республикасынын Жогорку Кеңешинин Торагасы Асылбек Жээнбеков, Кыргыз Республикасынын Жогорку Сотунун төрайымы Феруза Джамашева, Президенттин Аппаратынын жетекчиси Данияр Нарымбаев, Кыргыз Республикасынын Куралдуу Күчтөрүнүн Башкы штабынын начальниги Асанбек Алымкожоев, Кыргыз Республикасынын өкмөт мүчөлөрү жана дипломатиялык корпусунун өкүлдөрү катышты.
Мындан тышкары, Премьер-министр Ала-Тоо аянтындагы аскердик парадда да катышты.
Иш-чарада сүйлөгөн сөзүндө Темир Сариев ВОВдогу Жеңиштин 70 жылдыгына арналган иш-чаралар өлкөнүн ар бир бурчунда өтүп жатканын белгиледи. «Бул иш-чаралардын негизги максаты – кандуу согуштун бардык оор сыноолорун жеңип чыккан ата-бабаларыбызга болгон урмат-сый», — деди ал.
«Жеңиш күнү – бүтүндөй адамзаттын тагдырын аныктаган өзгөчө күн. Кыргызстандын эли, башка бир тууган элдер сыяктуу, жалпы Жеңишке чоң салым кошту. Жүздөгөн миңдеген мекендештерибиз эр жүрөктөр катары, биздин эркиндик жана көз карандысыздыгыбыз үчүн күрөшүп, курман болушту. Жүздөгөн миңдеген кыргызстандыктардын согуштук эрдиктери, Улуу Жеңишти тылда куюп чыккан адамдардын таң калыштуу эмгеги, чексиз эрдиктин үлгүсү болуп түбөлүккө калат. Алардын аттары тарыхта түбөлүккө калат», — деп баса белгиледи Темир Сариев.
Премьер-министр Улуу Ата Мекендик согуштун ардагерлерин, тыл эмгекчилерин Улуу Жеңиштин 70 жылдыгы менен куттуктап, аларга жакшы ден-соолук, бакубатчылык, сергектик жана оптимизм, жаш муунду Кыргызстандын чыныгы кызмат кылуу салттарына тарбиялоодо ийгилик каалады. «Бизге берген өмүрүңүздөр үчүн рахмат. Жер бетинде тынчтык үчүн рахмат», — деп жыйынтыктады Өкмөт башчы.
Аскердик параддын аяктагандан кийин Премьер-министр ВОВ ардагерлери жана тыл эмгекчилери менен аскердик палаткаларда жолугуп, алар менен «согушчу боткосун» жеп, Жеңиш майрамы менен куттуктады.
