20-декабрда Кыргыз Республикасынын Премьер-министри Джоомарт Оторбаев өлкөнүн Евразия экономикалык биримдигине кошулуу боюнча даярдык маселелери боюнча жумушчу жыйын өткөрдү. Жыйындын ишине Президенттин аппаратынын, Экономика министрлигинин жана Кыргыз Республикасынын башка министрликтеринин жана ведомстволорунун өкүлдөрү катышты, алар Кыргыз Республикасынын ЕАЭБге кошулуу боюнча келишим долбоорун даярдоого тартылган.
Өкмөт башчысы өлкөнүн Евразия экономикалык биримдигине кошулуу боюнча даярдык процессинин оң динамикасын белгиледи.
«Учурда өлкөнү евразиялык интеграциялык бирикке кошуу боюнча иш-чаралар планынын аткарылышы боюнча активдүү иштер жүргүзүлүүдө, Евразия экономикалык биримдигине кирүү — Кыргызстандын өкмөтүнүн ишиндеги приоритеттүү тапшырма», — деп белгиледи КР өкмөтүнүн башчысы.
«Кыргызстандын Евразия экономикалык биримдигине кошулуу боюнча даярдык иштер толук көлөмдө жүргүзүлүп, график боюнча уланууда», — деп кошумчалады Джоомарт Оторбаев.
Андан ары жыйындын катышуучулары өлкөнүн Евразия экономикалык биримдигине кошулуу боюнча келишим долбоорунун пункттарын кенен талкуулашты.
Маалыматтык камсыздоо бөлүмү
КР Өкмөтүнүн аппараты
КР Өкмөтүнүн аппараты
