Кыргызстандын өкмөтү ТСке кошулуу боюнча "жол картасы" долбоорун жактырды. Келишимдердин айрымдары боюнча республика үчүн белгилүү преференциялар боюнча макулдашууга жетишилди, деди дүйшөмбү күнү республика экономика министри Темир Сариев.
Дүйшөмбү күнү Кыргызстандын өкмөтү ТСке кошулуу боюнча "жол картасы" долбоорун жактырды. Документ парламентке каралууга жөнөтүлдү. Мурда кыргыз тарап республикадагы ири базарлар үчүн белгилүү преференцияларга, ишкерлерди колдоо үчүн атайын фонд түзүүгө жана Кытай, Өзбекстан жана Тажикстан менен чек арадагы өткөрүү пункттарын жабдууга 200 миллион долларга жакын финансылык жардам алууга үмүт артып жатканын билдирген.
"Жол картасы" долбоорун ЕЭКтин жумушчу тобу менен иштеп чыгуу учурунда ТС келишимдеринин айрымдарына Кыргызстандын дароо киргизе албаганын эске алуу менен белгилүү өтүү мезгилин берүү боюнча түшүнүшүүгө жетишилди. Кыргызстан белгилүү убакытка ТСтен айырмаланган бажы тарифтерин колдончу товарлардын тизмеси аныкталат деген макулдашуу бар", - деди министр өкмөттүн жыйынында.
Анын айтымында, "жол картасы" республика мыйзамдарын ТС келишимдерине ылайык келтирүү, инфраструктуралык өзгөртүүлөр, модернизациялоо, өткөрүү пункттарын жана лабораторияларды жабдуу, ТС мүчө мамлекеттеринин арасында импорттук бажы төлөмдөрүн эсептөө жана бөлүштүрүү механизмин иштеп чыгуу, кыргыз-казак мамлекеттик чек арасында бажы контролун жоюу, ТС техникалык регламенттеринин күчүнө киришине чейин өтүү мезгилин аныктоо маселелерин камтыйт.
Республика 90дан ашык нормативдик-укуктук актыларга өзгөртүүлөрдү киргизүүгө милдеттүү.
"Жол картасын" кабыл алуу ТС мамлекеттеринин башчыларынын деңгээлинде Жогорку Евразия экономикалык кеңешинин чечими менен ишке ашырылат, деп билдирди Сариев.
