Кыргыз Республикасынын Баатыры Мамытов Миталип Мамытович
Миталип Мамытович Мамытов — советтик жана кыргызстандык нейрохирург
1939-жылдын 16-декабрында Ош облусунун Ноокат районундагы Кок-Жар айылында туулган.
1958-жылы Кок-Джар орто мектебин отличием аяктап, Кызыл-Кий медициналык училищесине кирген, андан кийин 1960-жылы Фрунзе шаарындагы Кыргыз мамлекеттик медициналык институтуна кирип, аны да отличием аяктаган.
1966-1971-жылдары Санкт-Петербургдагы А.Л. Поленов атындагы нейрохирургия боюнча илимий-изилдөө институтунда клиникалык ординатурада жана аспирантурада окуган.
1971-жылы М. Мамытов Ленинградда (азыркы Санкт-Петербург) кандидаттык диссертациясын коргоп, 1972-жылы Москвада медициналык илимдердин кандидаты деген илимий даражасын алган.
1987-жылы Киевде докторлук диссертациясын коргоп, 1988-жылы Москвада медициналык илимдердин доктоору деген илимий даражасын алган.
1990-жылы Москвада «Профессор» деген илимий наам берилген.
1971-1973-жылдар аралыгында Кыргыз Республикасынын Республикалык клиникалык ооруканасында нейротравматология бөлүмүнүн башчысы болуп иштеген.
1973-1998-жылдар аралыгында Кыргыз мамлекеттик медициналык институтунун неврология жана нейрохирургия кафедрасында доцент, андан кийин профессор болуп иштеген.
1998-жылдан бери Кыргыз мамлекеттик медициналык академиясынын нейрохирургия кафедрасынын башчысы.
1995-2000-жылдар аралыгында Кыргыз Республикасынын Жогорку Кеңешинин 1-чыгышынын депутаттыгын аркалаган.
1997-2002-жылдар аралыгында медициналык академияда илимий иштер боюнча проректор болуп иштеген.
2002-2005-жылдар аралыгында Кыргыз Республикасынын саламаттык сактоо министри болуп иштеген.
2002-2007-жылдар аралыгында Азия медициналык институтунун ректору болуп иштеген.
260тан ашык илимий эмгектин, анын ичинде беш монографиянын, сегиз ойлоп табуунун жана беш окуу куралынын автору. Анын жетекчилиги астында эки докторлук жана 10дон ашык кандидаттык диссертация корголгон.
Сыйлыктар:
1994-жыл — ЮНЕСКОнун «Боорукер — Милосердный» медалы;
1995-жыл – «Манас» юбилей медалы;
2002-жыл — «Руханият» эл аралык сыйлыгы;
2006-жыл — Кембридж эл аралык биографиялык институтунун «Бир миллиондун бири» алтын медалы;
2008-жыл — Дүйнөлүк интеллектуалдык менчик уюмунун (Женева, Швейцария) алтын медалы;
Ар түрдүү жылдарда Кыргыз Республикасынын президенттеринин Указы менен М. Мамытовго «Кыргыз Республикасынын эмгек сиңирген илим ишмери», «Кыргыз Республикасынын эмгек сиңирген доктуру» наамдары берилген, «Данк» медалы жана Кыргыз Республикасынын «Манас III даражасы» жогорку ордени менен сыйланган. Кыргыз Республикасынын илим жана техника боюнча мамлекеттик сыйлыгынын лауреаты.
2011-жылы Кыргыз Республикасынын жогорку мамлекеттик сыйлыгы «Кыргыз Республикасынын Баатыры» наамы менен «Ак Шумкар» ордени тапшырылган.
2015-жыл – Ахунбаев атындагы «Алтын скальпель» сыйлыгы
2015-жыл — «Алыкула Осмонов» атындагы медаль
2016-жыл — «Чынгыз Айтматов» атындагы медаль
2017-жыл — «КГМАга болгон эмгеги үчүн» медаль
Кыргыз Республикасынын Баатыры
