Медициналык илимдердин доктуру, профессор, Кыргыз Республикасынын Улуттук илимдер академиясынын корреспондент-мүчөсү, Кыргыз Республикасындагы илим жана техника боюнча мамлекеттик сыйлыктын лауреаты, Кыргыз Республикасындагы эмгек сиңирген дарыгер. 1938-жылы туулган. 1962-жылы Кыргыз мамлекеттик медициналык институтунун дарылоо факультетин аяктаган.
Республикадагы урологиялык кызматты жетектеп, анын өнүгүшүнө чоң салым кошкон. Ал биринчи жолу тамак-аш продуктыларында, бөйрөк тканьдеринде, кан жана бөйрөк таш оорусу менен жабыркаган жана ден соолукта болгон адамдардын зәринде дихлордифенилтрихлорэтан, гексахлорциклогександын мазмунун изилдеген жана туруктуу нефротоксикалык пестициддердин бөйрөк таш оорусунун патогенезиндеги мааниси тууралуу пикир билдирген.
260тан ашык илимий эмгектерди жарыялаган, алардын ичинен 4 монография жана 20 окуу куралы, 9 ойлоп табуу жана 9 рационализатордук сунуштун автору.
Негизги ойлоп табуулары:
1. Экинчи жолу бедеулукка алып келген хроникалуу простатитти дарылоонун жолу. Кыргыз Республикасындагы алдын ала патент № 235,1998. 2. Простата безинин сезгенүү ооруларын дарылоого арналган түзүлүш. Кыргыз Республикасындагы алдын ала патент № 367,2000. 3. Бөйрөктү жана зәр чыгаруучу түтүктүн жогорку бөлүгүн дренаждоо ыкмасы. Кыргыз Республикасындагы алдын ала патент № 366,2000. 4. Токсиканттар менен хроникалуу интоксикацияны дарылоонун ыкмасы. Кыргыз Республикасындагы алдын ала патент № 382,2000. 5. Зәр сактагычты жана простата безин электростимуляциялоо жана ультрадыбыстык изилдөө үчүн түзүлүш. Кыргыз Республикасындагы алдын ала патент № 517,2002.
