Мурзубраимов Бектемир

Мурзубраимов Бектемир (1940),

химия боюнча илимдердин доктору (1986), профессор (1987), КР НАН академиги (2000)

Кыргыз. Ош облусунун Узген районундагы Ничке-Сай айылында төрөлгөн.

ОГПИни (1962) жана КГУнун аспирантурасын (1965) аяктаган.

Мугалим, директордун орун басары, окутуучу, улук окутуучу, доцент, кафедранын башчысы, декан, проректор, ОГПИнин партиялык комитетинин катчысы, ОшТУнун ректору, 1998-жылдан тартып ОшГУнун ректору болуп иштеген.

Элементтердин химиясы боюнча адис. КР ИАнын академиги (1993), МИА (1995). СССРдин медалдары менен сыйланган.

КРнын эмгек сиңирген билим берүү кызматкери (1995). «Руханият» эл аралык сыйлыгынын лауреаты (2001).

250дөн ашык илимий эмгектер жарыяланган, анын ичинде 2 монография, 8 окуу китеби жана окуу-методикалык колдонмо, 3 ойлоп табуу.

Анын жетекчилиги астында 15 кандидаттык диссертация корголгон.

Негизги эмгектери:

1. Инженердик экологиянын негиздери. Окуу китеби. Ош, ОшТУ, 1997.
2. Металлоамиддик комплекстердин синтези жана касиеттери. Бишкек-Ош, 1999.
3. Физикалык жана коллоиддук химия (автордук биргелешип). Ош, 2000.
4. Жалпы химия (автордук биргелешип). 1, II том. Ош, 2000.
5. Органикалык химия (автордук биргелешип). Ош, 2001.