Мамытов Миталип

Мамытов Миталип (1939),

медициналык илимдердин доктору (1987), профессор (1989), Кыргыз Республикасынын Улуттук илимдер академиясынын корреспондент-мүчөсү (2000)

Кыргыз. Ош облусунун Наукат районунда төрөлгөн.

КГМИни (1966) аяктаган.

Ассистент, доцент, профессор, медициналык факультеттин деканы, кафедранын башчысы, КГМАнын проректору болуп иштеген, 2002-жылдан бери - Кыргыз Республикасынын саламаттык сактоо министри.

Нейрохирургия тармагында адис. Нью-Йорк илимдер академиясынын академиги (1999). “Данк” медалы менен сыйланган (1997), “Бир миллиондун бири” номинациясы боюнча алтын медаль (Кембридж, Англия, 2001).

Кыргыз Республикасынын эмгек сиңирген дарыгери (1989).

Кыргыз Республикасынын эмгек сиңирген илим ишмери (1999). Россиянын нейрохирургдар ассоциациясынын ардактуу мүчөсү (2002).

130дан ашык илимий эмгектери жарыяланган, анын ичинде 2 монография, 4 ойлоп табуу, 5 окуу куралы.

Анын жетекчилиги астында 3 кандидаттык диссертация корголгон.

Негизги эмгектери:

1. Мээнин шишиктерин диагностикалоонун принциптери жана алардын хирургиялык дарылануу учурунда организмдин иммунореактивдүүлүк абалы. Метод, сунуштар. Фрунзе, 1986.
2. Мээнин шишиктери. Студенттер үчүн окуу куралы (авторлоштук менен). Бишкек, 1997.
3. Тандалган эмгектер. Бишкек, 1999.
4. Баш-ми травмасы (клиника, диагностика жана дарылоо). Студенттер жана дарыгерлер үчүн окуу куралы (авторлоштук менен). Бишкек, 2001.
5. Мээнин инсульттарынын нейрохирургиялык көйгөйлөрү. Бишкек, 2002.