Зурдинов Аширалы Зурдинович (1946),
медициналык илимдердин доктору (1987), профессор (1990)
Кыргыз. Ош облусунун Карасуй районунун Савай айылында төрөлгөн.
КГМИни (1968) аяктаган, ошол жерде аспирантураны (1974), СССРдин АМНинин фармакология боюнча Илимий изилдөө институту жана СССРдин М3инин Медико-биологиялык проблемалар институтунун докторантурасын (Москва, 1987) аяктаган.
Ассистент, доцент, декандын орун басары, профессор, илимий иштер боюнча проректор, 1997-жылдан тартып - КГМАнын кафедрасынын башчысы, КРдин М3инин фармакологиялык комитетинин төрагасы катары иштеген. Фармакология тармагында адис. Эл аралык информатизация академиясынын академиги (1993).
КРдин илимине эмгек сиңирген ишмер. 130дан ашык илимий эмгектери, анын ичинде 3 монография, 3 ойлоп табуу, 2 патент жарыяланган.
Анын жетекчилиги астында 1 докторлук жана 12 кандидаттык диссертация корголгон.
Негизги эмгектери:
1. Гипоксияга адаптацияны фармакологиялык оптимизациялоо стратегиясы жана мүмкүнчүлүктөрү. Илиминин жана техниканын жыйынтыктары. Серия - фармакология. Москва, 1988.
2. Дары-дармектердин өз ара аракеттешүүсү (авторлук). Бишкек, 1992.
3. Аткаруучу органдардын функцияларына жана ткань алмашуу процессине таасир этүүчү каражаттар (авторлук). Бишкек, 1996.
4. КРдин негизги дары-дармектеринин формуляры (толуктоолор, авторлук). Бишкек, 1999.
5. Клиникалык фармакология: кылымдын алкагында дары-дармектерди колдонуу коопсуздугу жана рационалдуу пайдалануу маселелери. Бишкек,
2001.
