«Жашыл» коридор Кыргызстан менен чек арада жоюлат

«Жашыл» коридор Кыргызстан менен чектеш жерде жоюлат, бул тууралуу РКнын Каржы министрлигинин Мамлекеттик кирешелер комитетинин расмий өкүлү Жамбул Сураганов билдирди.
«Кыргыз Республикасымен чектеш жерде жети чек аралык бажы посту иштейт, алты унаа жана бир темир жол посту, бардык унаа бажы постторунда «жашыл» жана «кызыл» коридорлор бар. Кыргызстан Евразия экономикалык биримдигине кошулгандан кийин чек арадагы эки коридор системасы жоюлат», - деди Сураганов.
Мамлекеттик кирешелер комитетинин өкүлү эки коридор системасы - бул бажы контролунун жөнөкөйлөтүлгөн системасы, ал физикалык жактарга бажы чек арасынан өтүп жатканда «кызыл» жана «жашыл» коридорлорду өз алдынча тандоого мүмкүндүк берет деп түшүндүрдү.
«Жашыл» коридор физикалык жактардын бажы чек арасынан өтүүсү үчүн, алардын жүгүртүүсү бажы декларациялоого жатпаган, башкача айтканда, жеке колдонууга арналган. «Кызыл» коридор болсо, бажы декларациялоого жатуучу товарлары бар физикалык жактар үчүн.
Расмий өкүл чек ара өткөрүү пункттарында эки коридор системасы мезгилге карабастан иштээрин баса белгиледи. Туристтер үчүн бир коридордун ыңгайсыздыктары тууралуу сүйлөшкөндө: «Мен бул чоң проблема деп айтпайм, жандуу кезек боюнча болот жана бул туристтер үчүн белгилүү бир ыңгайсыздыктарды жаратат», - деди.
Бирок Сураганов азыр Кыргызстан менен чектеш жерде эки орган контролду жүргүзүп жатканын, бажы контролунун жоктугу чек арадан өтүүнүн ылдамдыгын кыйла кыскартарын белгиледи.
Эскерте кетсек, президент Алмазбек Атамбаев 21-майда Кыргызстанды 2014-жылдын 29-майындагы Евразия экономикалык биримдигине кошулуу боюнча эл аралык келишимдерди ратификациялоо жөнүндө мыйзамга кол койгон. Мыйзам 20-майда өлкөнүн парламентинен бекитилген жана 21-майдан тартып расмий күчүнө кирген.


Источник: Tengrinews.kz