Кыргызстанда тоо туристтерин кабыл алуу үчүн чек ара пункту ачылды. Бул тууралуу 16-июлда News-Asia порталына республикадагы чек ара күчтөрүнүн басма сөз кызматы билдирди.
- 17-июлдан 1-сентябрга чейин Иссык-Куль облусунун Түп районуна караштуу Чаар-Кудук жайлоосунда Каркыра дарыясынын көпүрөсү аркылуу «Каркыра-автодорожный» өткөрмө пунктунан тышкары эл аралык туристтик топторду тоо туризми боюнча өткөрүү жүргүзүлөт, - деп билдирди КРнын Чек ара күчтөрүнүн басма сөз кызматы. - Туристтик топторду өткөрүү алдын ала туристтик компаниялар менен макулдашуу жана топтордун кыймылын алдын ала пландалган график боюнча жүргүзүлөт.
Эскертүү катары, тоо туристтери үчүн өткөрмө пункту туристтик сезонду эффективдүү уюштуруу жана тоо туризмин өнүктүрүү максатында, ошондой эле 2014-жылдын 12-июлунда Кыргызстандын жана Казакстандын премьер-министрлеринин жолугушуусунда жетишилген макулдашууларды ишке ашыруу үчүн ачылганы белгиленет.
Эске салсак, 10-июлда Кыргыз Республикасы туристтерди 24 саат бою кабыл алууга өттү. Бүгүнкү күндө Чүй облусунда жайгашкан «Ак-Жол», «Чалдыбар», «Ак-Тилек», «Кен-Булун», «Каинды» жана «Манас» аэропорту сыяктуу алты чек ара пункту 24 сааттык режимде иштеп жатат. Убакыттык чектөөлөрдүн жоктугу туристтик сезондун аягына чейин күчүндө болот.
