2015-жылдын 1-январынан тартып Евразия экономикалык союзу (ЕАЭС) боюнча келишим күчүнө кирди. Бул келишим 2014-жылдын майында Астанада Беларусь, Казакстан жана Россиянын президенттери тарабынан кол коюлган. 2015-жылдын 2-январынан тартып, 2014-жылдын октябрында кол коюлган кошулуу келишимине ылайык, Армения ЕАЭСтин толук укуктуу мүчөсү болду. Ал эми 2015-жылдын майына карата, Евразия экономикалык комиссиясында белгилегендей, Кыргызстан да 2014-жылдын 23-декабрында ушундай эле келишимге кол коюп, мүчө болот деп күтүлүүдө.
ЕЭКте белгилегендей, ЕАЭСтин мүчө өлкөлөрү эркин соода жүргүзүп, экономикасынын негизги тармактарында - энергетикада, өнөр жайда, айыл чарбасында, транспортто кызматташат. Жаңы жалпы рыноктун ИДПсы $4,5 трлн. өлчөмүндө болот жана 170 миллион адамды камтыйт. ЕЭКтин штаб-квартирасы Москвада, финансылык регулятору Алматыда, ал эми ЕАЭСтин соту Минскте жайгашат. Беларусь 2015-жылы бул союзда төрагалык кылуу укугун да алды.
Ал жерде товарларды ЕАЭСтин аймагына алып кирүүдөн алынган бажы алымдарында, Беларусьтин үлүшү 4,7% дан 4,65% га, Казакстандын үлүшү 7,3% дан 7,25% га, Россиянын үлүшү 88% дан 86,97% га кыскарууда. Армениянын үлүшү 1,13%, Кыргызстандын үлүшү 1,9% түзөт.
2016-жылы катышуучу өлкөлөр жалпы фармацевтикалык рынокту түзүшү, 2019-жылга чейин - жалпы электр энергиясы рыногун, ал эми 2025-жылга чейин - мунай, газ жана мунай продуктулары рыногун түзүшү пландалууда.
Источник: vb.kg
