Тапкан Будда статуясын 2015-жылга чейин Тарых музейине өткөрүп беришет

2011-жылы табылган Будда статуясын 2015-жылга чейин Тарых музейине өткөрүп беришет. Бул тууралуу Маданият, маалымат жана туризм министрлигинин тарыхый-мәдени мурастарды эсепке алуу, коргоо жана пайдалануу боюнча республикалык инспекциясынын башчысы билдирген.

Анын айтымында, 2011-жылдан бери Минкультта Тарых музейи менен келишим бар, ага ылайык Будда статуясын 2015-жылга чейин музейге өткөрүп берүү керек. "Бардыгы пландагыдай болуп жатат. Азыр экспонатты ташууга даярдоо башталды. Бул жылдын аягына чейин ал музейде болот", - деди ал.

Бишкектен 30 чакырым алыстыкта жайгашкан Невакет шаары VIII-XII кылымдарда жашап, Улуу Жибек жолундагы өткөрмө пункту катары белгилүү болгон, анда түрк, согд, карлук элдери жашаган. Эски шаарда ар түрдүү диндердин, анын ичинде буддизмдин храмдары курулган. 18 жылдан бери археологдор Невакет аймагында казууларды жүргүзүүдө. Бул жылы ЮНЕСКО Красная Речка (Невакет), Бешим (Суяб), Бурана (Баласагын) шаарчаларын маданий жана табигый мурас тизмесине киргизди.