Жыл сайынгы велотур «Ысык-Көл-2015» 1-августта башталат
Жыл сайын өткөрүлүүчү «Ысык-Көл-2015» велотуру 2015-жылдын 1-августунда башталары тууралуу уюштуруучүлөр дүйшөмбү күнү билдиришти.
«Ысык-Көл Гран При 2015» – бул жыл сайын өткөрүлүүчү велотур жана велогонка, алар 2015-жылдын 1-августунда өтөт. Иш-чаранын максаты велоспортту, дене тарбияны жана Кыргызстандагы туризмди өнүктүрүү», - деп айтылат билдирүүдө.
Маршруттун узундугу 108 км түзөт: велотур үчүн - 35 км, гонка үчүн 73 км. Иш-чаранын жүрүшүндө катышуучулар тамак-аш жана ичимдиктер менен камсыздалат. Коопсуздук үчүн жол полициясынын жана тез жардамдын коштоосу, катышуучулардын велосипеддерин оңдоо жана техникалык тейлөө үчүн техникалык колдоо тобу уюштурулат.
Булак: kyrtag.kg
