Эл аралык туристтик жарманке «Ысык-Көл - 2015»
Сиздерге белгилүү болгондой, заманбап дүйнөдө туризм индустриясынын үлүшү улуттук экономикада жана дүйнөлүк экономикада күндөн-күнгө өсүп жатат, бул туризм тармагы экономикада үстөмдүк кылуучу тармактардын бири болуп калганына себеп болду. Ошондуктан, Кыргыз Республикасынын Президенти А.Ш.Атамбаев тарабынан 2015-жыл: «Улуттук экономиканы бекемдөө жылы» деп жарыяланды.
Ошентип, Кыргыз Республикасынын туристтик тармагын өнүктүрүү боюнча иш-чаралар планына ылайык, 2015-жылдын 30-апрелинде «Кыргызское Взморье» санаторийинде жыл сайын өтүүчү Эл аралык туристтик жарманке «Ысык-Көл - 2015» өткөрүлөт. Ачылыш аземи Кыргыз Республикасынын Өкмөтүнүн, мамлекеттик структуралардын, Ысык-Көл облусундагы Өкмөттүн ыйгарым укуктуу өкүлчүлүгүнүн жана башка расмий адамдардын өкүлдөрүнүн катышуусунда өтөт.
Бул туристтик жарманкеде Кыргыз Республикасынын, Казакстан Республикасынын жана Россия Федерациясынын туристтик тармагынын өкүлдөрү, ошондой эле жакын жана алыс чет өлкөлөрдөн келген өкүлдөр катышат.
Ошондой эле жарманкенин алкагында Россия Федерациясы жана Казакстан Республикасынын массалык маалымат каражаттарынын жана туристтик операторлорунун өкүлдөрү үчүн Ысык-Көл облусунун аймагында маалыматтык тур өткөрүлөт.
