Россиянын жогорку окуу жайларынын Кыргызстандагы экинчи билим берүү көргөзмөсү-ярмаркасы
2015-жылдын 17-19-апрелинде Бишкекте К. Баялинов атындагы Республика балдар жана жаштар китепканасында Россия Федерациясынын билим берүү уюмдарынын II көргөзмөсү-ярмаркасы «Бишкек-2015» өтөт.
Кыргыз Республикасынан көргөзмө Россиянын Кыргызстандагы өкүлчүлүгү, «Москва Классиктери» коомдук фонду, Россия Федерациясынын элчилигинин, Кыргыз Республикасынын билим берүү жана илим министрлигинин, Бишкек шаардык мэриясынын билим берүү башкармалыгынын жана К. Баялинов атындагы Республика балдар жана жаштар китепканасынын колдоосу менен өткөрүлдү.
Кыргызстанда экинчи жыл подряд өткөрүлүп жаткан иш-чарага Россиянын ар кайсы региондорунан 15 жогорку билим берүү мекемеси катышууда – Москвадагы Физика-техникалык институту (МФТИ), Россия Федерациясынын экономика өнүктүрүү министрлигинин Всероссийская академиясы, Москвадагы Плеханов атындагы Россия экономикалык университети, Курск мамлекеттик университети, Владивостоктогу Дальневосточный федералдык университети, Тюмень мамлекеттик архитектура-курчу университети, Ставропольдогу Северо-Кавказский федералдык университети, Екатеринбургдагы Уральский федералдык университети, Барнаулдагы И.И. Ползунов атындагы Алтай мамлекеттик техникалык университети, Казандагы Казанский мамлекеттик изилдөө технологиялык университети, Хабаровсктагы Дальневосточный мамлекеттик университети, Новосибирск шаарындагы Новосибирск мамлекеттик педагогикалык университети, Красноярсктагы Красноярск мамлекеттик агрардык университети, Армавир шаарындагы Армавир мамлекеттик педагогикалык академиясы, Уфадагы Уфимский мамлекеттик экономика жана кызмат университети.
Үч күндүн ичинде көргөзмөнү Бишкектен жана Чүй облусунан 1500дөн ашык жогорку класстагы мектеп окуучулары зыярат кылат.
Көргөзмөнүн алкагында жогорку окуу жайларынын өкүлдөрүнүн пресс-конференциялары, билим берүү мекемелеринин презентациялары, мектептерге визиттер, тестирлөө жана предметтик олимпиадалар өткөрүлөт. Көргөзмөнүн максаты – россиялык билим берүү программалары менен таанышуу, келечектеги студенттерге адистиктер жана даярдык деңгээлдери, жогорку окуу жайларына кабыл алуу эрежелери, окутуу өзгөчөлүктөрү, илимий иш жүргүзүү мүмкүнчүлүктөрү, таланттуу абитуриенттер үчүн стипендиялык программалар тууралуу кенен маалымат берүү.
Көргөзмө-ярмарка кыргызстандыктарга россиялык жогорку окуу жайларынын артыкчылыктарын түздөн-түз баалоого, жетекчи россиялык билим берүү уюмдары тууралуу биринчи колдон маалымат алууга мүмкүнчүлүк берет.
Кыргызстандагы билим берүү кызматтары рыногу кеңири жана ар түрдүү. Бирок, сунуштардын кеңири спектрине карабастан, Россияда билим алуу көптөгөн жаш кыргызстандыктар үчүн актуалдуулугун жоготпой жатат. Окутуунун сапаты, билим берүү процессинде заманбап технологияларды колдонуу, дипломдордун таанылышы, адистиктердин ар түрдүүлүгү жана алардын эмгек рыногундагы суроо-талабы – булардын баары республика абитуриенттери үчүн Россияда окуу ордун тандоодо чечүүчү мааниге ээ.
Кыргызстандык студенттерди Россиядагы жогорку окуу жайларына тартуунун негизги факторлорунун бири – орус тилин жакшы билүү.
Россиялык жогорку окуу жайларынын өкүлдөрүнүн Кыргыз Республикасындагы Россотрудничество өкүлчүлүгүнүн жетекчисинин милдетин аткаруучу Николай Михайлович Тищенко менен жолугушуусунда Россия менен Кыргызстан ортосундагы билим берүү тармагындагы кызматташтыкты күчөтүү, жогорку окуу жайларынын кыргызстандык абитуриенттерди тартууга катышуусун активдештирүү, россиялык жана кыргызстандык билим берүү мекемелери ортосундагы эки тараптуу жана көп тараптуу байланыштарды түзүү маселелери талкууланды.
Көргөзмөнүн өткөрүлүшү массалык маалымат каражаттарында кеңири чагылдырылып, коомдук резонанс жаратты, Россия менен Кыргызстан ортосундагы билим берүү тармагындагы кызматташтыкты маанилүү түрдө жандандыруунун негиздерин түздү.
Сергей Титунин
