Ысык-Көлдө 27-июлда жыл сайын өтүүчү парус регатасы Issyk-Kul Grand Prix – 2014 болуп өтөт, анын максаты жаштар арасында парус спортун өнүктүрүү жана Кыргызстанда туризмди өнүктүрүү.
Эл аралык коомдук фонд «Роза Отунбаеванын Инициативасы» билдиргендей, Issyk-Kul Grand Prix - бул жаңы баштагандар үчүн жалгыз регата, аны көп жылдык тажрыйбасы бар парус спортунун адистери өткөрөт.
Парус регатасы Чолпон-Ата шаарында башталат. Ага төрт экипаж катышып, жыл сайын берилүүчү Issyk-Kul Grand Prix кубогун утуп алуу үчүн күрөшөт. Судьялыкты эл аралык регаталарда катышкан профессионалдык спорт судьясы Виктор Брюхов жүргүзөт.
Уюштуруучулар «Роза Отунбаеванын Инициативасы» фонду жана КРнын парус спорт федерациясы.
