Нан жыттанган колдорго ыраазычылык! Роза Абдрахманова жердеги эң маанилүү жана жакшы иштердин бирин 45 жылдан ашык убакыттан бери аткарып келет. Ал нан заводунда эмгек жолун баштап, алмаштыруучу технологдон Кыргыз Республикасынын нан бышыруу өнөр жайынын республикалык өндүрүштүк бирикмесинин башкы директорлугуна чейин жеткен, бул бирикме 15 ишкананы камтыйт.
Эмгекчил инженер, 20дан ашык рационализатордук сунуштары бар Роза Абдрахманова өндүрүш процессине жаңы техниканы, прогрессивдүү технологияларды киргизүүгө, ассортиментти кеңейтүүгө жана чыгарылган продукциянын сапатын жакшыртууга чоң маани берген.
Бул бирикменин өндүрүшүндө магазиндердин сөрөлөрүндө пряник, печенье, той-боорсок, торт жана пирожныйлар узакка жатпай турган. Р. Абдрахманованын рецепти боюнча бышырылган нан азыктары өзгөчө популярдуулукка ээ болгон.
Кызматташтары Розада ишкердик жана жыйнактык, жогорку кесипкөйлүк жана компетенттүүлүк, талапкерчилик, адамдарга болгон сезимталдык менен айкалышкандыгын белгилешет, ал эми ал болсо аларга сүйүү жана урмат менен жооп берет.
Жогорку эмгек жетишкендиктери үчүн Роза Абдрахманова бир нече жолу мамлекеттик сыйлыктар менен сыйланган. 2000-жылы өнөр жайды, коомдун социалдык туруктуулугун өнүктүрүүгө жана жетекчилердин муунун тарбиялоого кошкон чоң салымы үчүн "Кыргыз Республикасынын эмгек сиңирген ишкери" наамына ээ болгон.
Эми пенсияда болсо да, Р. Абдрахманова өмүрүнүн ишин таштаган жок, оригиналдуу ундан жасалган азыктарды чыгарган "Чурок-Нан" өндүрүштүк ишканасын түздү.
Башкалардын кайгысын сезип, жардамга муктаждарга дайым кол сунган Роза Абдрахманова майыптарга, Улуу Ата Мекендик согуштун катышуучуларына, аз камсыз болгон жана жетимдерге материалдык жардам көрсөтөт.
- Менин эки уулум жана беш неберем бар, - дейт Роза Усеновна, - жана мен өзүмдүн мисалым менен аларга адилеттүүлүктү, ыйманды жана өз күчүнө ишенүүнү үйрөтүүгө аракет кылам.
Мен башка адамдар үчүн жакшы нерселерди жасай алганда, - мен жашайм!
