Бишкекте «Жетишүүнүн сабактары» урааны менен жаштардын жолугушуусу өтүп, анда Ош, Жалал-Абад, Баткен жана Чүй облустарынан 14-16 жаштагы 70тен ашык жигит жана кыз чогулду. Лекторлорду жаштар өздөрү, быйыл жайда «Тынчтык үчүн жаштар» долбоорунун бардык 14 пилоттук муниципалитетинин катышуучулары арасында өткөрүлгөн добуш берүү аркылуу тандап алышканын белгилеп өтүү керек.
Роза Отунбаева, Салижан Шарипов жана Атай Омурзаков өзүнүн жетишүү формуласы тууралуу айтып беришип, катышуучулар менен кызыктуу жана таанып-билүүчү окуяларын бөлүшүштү.
- Адам өзүнө максат коюп, кыялы болушу керек. Бир күндүк максаттан баштап, андан кийин бир айлык, жылдык максаттарды коюу керек, - деп кеңеш берди космонавт Салижан Шарипов.
Атай Омурзаков Кыргызстанда көп адамдар өзүнө ишенбестигин айтат.
- Менин апам мага ишенчү, бул мага чоң жардам берди. Менде кичинекей айнек менен бир бөлмө бар эле, ага карап, өзүмдү Европадагы сахнада көрсөтүп жатканымды элестетчүмүн. Камералардын тегерегинде, прожекторлордун жарыгы, көрүүчүлөрдүн кол чабуусу… 2011-жылы Чехословакиянын сахнасында менин кыялыма жеттим. Өзүңөргө ишенгиле, өзүңөр үстүндө иштегиле, бардыгы ишке ашат! – деди Омурзаков.
Роза Отунбаева билим алууга басым жасады. - Эң маанилүүсү - бул билим. Ар күнү кеминде 20 мүнөт китеп окуу керек. Окуңуздар! Өзүңүздөр окуңуздар. Братыңыздарга жана сёңдөгүңүздөргө окуп бериңиздер, ошондо Сиздер чоң тамгадан Адам болуп каласыздар. Билимге умтулуңуздар. Билимдүү адамдар дайыма иш менен камсыз.
Долбоордун уюштуручулары белгилүү адамдар менен жолугушуунун, алар жетишүү үчүн бардык зарыл сапаттарды өзүнө камтыган, жаштардын өзүн-өзү өнүктүрүүсүнө оң таасир берерин эсептешет.
Долбоордун алкагында жүргүзүлгөн жаштардын муктаждыктары боюнча изилдөөлөргө ылайык, эң көп талап кылынган муктаждыктар арасында спорт менен машыгуу биринчи орунду ээлейт, андан кийин жумуш менен камсыздоо, кошумча билим алуу жана ар кандай көндүмдөрдү алуу муктаждыктары келет.
Бул платформа толеранттуулук, көп түрдүүлүккө урмат көрсөтүү жана жаштардын өлкөнү өнүктүрүүгө активдүү катышуусун камсыз кылуу сыяктуу маселелерди актуалдаштырууга арналган. Ролик моделдер менен жолугушууну өткөрүү жаштардын социализациясына жардам берип, региондордо жашаган жаштардын изоляция жана четтетилүү сезимин азайтууга көмөктөшөт.
«Жетишүүнүн сабактары» улуттук жаштардын жолугушуусу ПРООН, ЮНФПА жана ЮНИСЕФ долбоорунун программасы боюнча өтүүдө. БУУнун Тынчтык куруу Фонду тарабынан колдоого алынууда. Долбоордун максаты жаштардын мамлекеттик коомдук жашоосуна катышуу үчүн тең мүмкүнчүлүктөрдү өнүктүрүү жана жарандык катышуу көндүмдөрүн алуу.
Сүрөт Алёна Мур
