Жюри кыргызстандык бийчилерди немис шоуунун тарыхындагы «эң мыкты» деп тааныды.
Популярдуу кыргыз бийчиси Атай Омурзаков жана «Тумар» тобу Германиядагы Das Supertalent таланттар шоуунда 4-орунду алып, көрүүчүлөрдүн добушунун 10,86 пайызын алышты.
Конкурстун жеңүүчүсүн СМС добуш берүү аркылуу аныкташты. Биринчи орунду Кельнден келген пародист Марсель Крауль ээледи — ал 26 пайыз добуш алды.
Шоунун жюри кыргызстандык бийчилерди немис шоуунун тарыхындагы «эң мыкты» деп тааныды.
Проекттин судьяларынын бири, 80-жылдардагы популярдуу Modern Talking дуэтине катышкан Дитер Болен, «Тумарды» шоуунун 8 сезону боюнча эң мыкты бийчилер деп атады.
Башка судья, америкалык хореограф Брюс Дарнелл, «Тумар» бийинин кастинг учурунда эле аны шыктандырып жатканын мойнуна алды. Ал кыргыз бийчилеринин финалдык чыгышын «Франкенштейндин заманбап версиясы» деп атады.
«Бул менин Рождество белегим. Бул абдан мыкты! Чоң номер, мыкты жигиттер. Ар кандай жагдайда, сиздерге ийгилик каалайм», — деди Дарнелл.
Эзиз: kloop.kg
