19 жаштагы бийчи Бишкектен белгилүү америкалык «America’s got Talent» шоуунун калыстарын таң калтырды. Бул тууралуу блогер Кайрат Бекмамбетов өз блогунда жазды.
Солто Эсенгулов популярдуу телевизиондук шоу «America’s got Talent» катышты. Брюс Линин стилинде элементтери жана робот стилинде кыймылдары менен ал белгилүү калыстарды таң калтырды.
2013-жылы Солто Эсенгуловдун үй-бүлөсү грин карта (туруу уруксаты) утуп, Бруклин шаарында жашоого орун алышты. Жергиликтүү балдар менен достошуп, Солто бий менен активдүү алектенүүнү улантты. Жергиликтүү бий чемпионаттарынан биринде жеңишке жеткенден кийин, уюштуруучулар Солтону Америкадагы негизги шоу - «America’s got Talent» кастингине катышууга кеңеш беришти. Кыялы чындыкка айланды. Лос-Анжелесте кастинг өтүп жатканын угуп, Солто ал жакка жөнөдү жана долбоордун продюсерлери алдында кастингден ийгиликтүү өттү.
«Маған шоу өкүлдөрү телефон чалып, Лос-Анжелеске телевизиондук кастинг үчүн келүүнү айтты. Мен Хоуи Мэндел, «Spice Girls» тобунун британдык ырчысы Мелани Браун, америкалык телеведущий Говард Стерн жана супермодель Хайди Клум сыяктуу дүйнөгө белгилүү адамдардын алдында чыгышым керек болчу. Мен толкунданып жаттым, бирок мыкты чыгыш кылдым. Көрүүчүлөр жана калыстар кол чапты, бардык калыстар «Ооба!» деп айтышты, мен долбоордун кийинки этабына өттүм. Андан кийин Нью-Йорктогу экинчи кастингден өттүм, бирок уюштуруучулар менин видеоматериалдарымды толук жарыялашпайт, бүт трюктарды жана номерлерди кесип салышат. Мүмкүн, Америка менен Россиянын Украинадагы кризиске байланыштуу душмандашып жатканы таасир этет. Кыргызстанды эмнегедир РФга автоматтык түрдө киргизишет, ошондуктан ар кандай казус жана тоскоолдуктар пайда болот», - деп өз таасирлерин бөлүштү Солто.
Биздин мекендештер, анын ичинде белгилүү бийчи Атай Омурзаков, кыргызстандыктарды жердешин колдоого жана анын видеосуна Youtube видео-порталында добуш берүүгө чакырышууда.
«Достор, биздин мекендешибиз Солто Эсенгуловду колдойлу, ал кыргызстандыктардан биринчи болуп дүйнөгө белгилүү телевизиондук конкурс «America’s got Talent» конкурсуна өттү. Максималдуу көп көрүүлөрдү жана мүмкүн болушунча көп комментарийлерди топтошубуз керек», - деп чакырат Атай Омурзаков.
Источник: kabarlar.org
