Кожомкул атындагы спорт сарайында өлкөнүн эң сулуу жигити тандалды. Ал жерде "Мистер Кыргызстан–2015" конкурсу өттү. Эң мыкты болуу үчүн 36 катышуучу күрөшүштү. Алгачкы чыгууда жигиттер микрофонго жакындап, кезеги менен өздөрү жөнүндө айтып беришти.
Изат Арстанбеков, мисалы, ыр жазарын, рэп жана бий менен алектенерин билдирди. Чингиз Жумагулов КРСУда окуйт, жеңил атлетика менен машыгат, сууда сүзүүнү сүйөт жана тай бокс менен алектенет. Жигит ошондой эле жакында боло турган дата - Жеңиштин 70 жылдыгы - тууралуу унутпай, жаштардын атынан бардык ардагерлерди келе жаткан майрам менен куттуктады. Ал эми бардык катышуучуларга ийгилик каалады. Диаз Душанбинов бокстун спорт чебери экенин айтып, ошондой эле элдик бийлердин түрлөрү менен алектенерин билдирди.
Экинчи чыгууда - "Даңк минутасы" - катышуучулар таланттарын көрсөтө алышты. Андан кийин жалпы бий болду, катышуучулар үч топко бөлүндү. Биринчилери кыргыз элдик бийин бийлешти, экинчилери – орус бийин, үчүнчүлөрү – лезгинка бийлешти. Андан кийин, балким, эң кызыктуу конкурс - пляждык кийимдер менен чыгуу болду.
Ар кандай номинациялар көп болду, катышуучулардын эч бири белектерсиз калган жок. Үчүнчү вице-мистер Улан Эсенкулов, экинчи вице-мистер Ринат Бактыбек уулу болду. Биринчи вице-мистер Самат Асанкулов деп аталды. Ал эми Гран-при жана "Мистер Кыргызстан - 2015" наамы Ильгиз Бекболотовго берилди.
Ильгиз 21 жашта, ал "Пегасус" авиакомпаниясынын стюарды. Азыр жигит авиация колледжинде пилот болуп окуп жатат.
"Кастингге болжол менен 100 катышуучу келди, биз конкурска 36 адамды тандоодон өткөрдүк. Катышуучулардын жашы 16дан 27 жашка чейин. Бул конкурсту үчүнчү жолу өткөрүп жатабыз, жана жыл сайын катышуучулар арасында жана көрүүчүлөр арасында кызыгуу өсүүдө. Жеңүүчү жана биринчи вице-мистер биздин өлкөнү эл аралык конкурстарда көрсөтөт", - деди конкурс уюштуруучусу, Beauty Company Kyrgyzstan компаниясынын генеральдык директору Рыскуль Намазбекова.
Источник: vb.kg
