Кыргызстандык моделдер Сеулдагы сулуулук конкурсуна тандалды

Кыргызстандык моделдер Ислам Султанов, Шахзада Балтабаева жана Урусгуль Кенжебаева 22-24-апрель күндөрү Сеулда (Түштүк Корея) өтө турган Asia New Star Model-2015 эл аралык конкурсуна жөнөп кетишти. Бул тууралуу катышуучулардын туугандары билдиришти.

Алардын айтымында, март айынын башында жаштар Бишкекте кастингден өтүшүп, 17-мартта Алматыга Face of Central Asia конкурсуна катышуу үчүн жөнөп кетишти. Бул конкурстун жыйынтыгы боюнча 43 катышуучудан 14 модель тандалып, Түштүк Кореяга жөнөп кетүү мүмкүнчүлүгүнө ээ болушту. Алардын арасында кыргызстандыктар да бар.



Азыркы учурда кыргызстандык үчөө Сеулда. Моделдер атайын лагерде жашап, конкурс үчүн даярдык көрүшүүдө. Лагерде жашаган убакыттарында алар реалити-шоунун тартылышына катышышат. Мындан тышкары, катышуучулардын добуш берүүсү AIRELIVE тиркемеси аркылуу өтүүдө. Ислам, Шахзада жана Урусгульдун жакындары бардык кыргызстандыктарды колдоого чакырышууда. "Программаны жүктөп алып, катышуучулардын сүрөттөрүн таап, добушуңузду берсеңиз жетиштүү", - деп өтүнүштү.

Белгилей кетсек, Asia New Star Model 2006-жылдан бери Азия өлкөлөрүнүн арасында өткөрүлүп келет, бирок быйыл Кыргызстан, Казакстан жана Өзбекстандын моделдери биринчи жолу катышууда.



Булак: vb.kg