Бишкекте 26-февралда Кыргызстандагы биринчи ислам журналы UMMAнын презентациясы өтөт, деп билдиришти уюштуруучүлөр.
Алардын маалыматына караганда, UMMA журналынын өзгөчөлүгү - бул орус тилинде чыгарылган биринчи улуттук медиа-продукт болуп, исламдын көз карашы аркылуу маданият, илим, спорт, ден-соолук, үй-бүлө, геополитика, экономика темаларына да орун бар.
Максат - ислам, анын цивилизациясы, тарыхы, маданияты жана искусствосу тууралуу маалымат берүү, заманбап жашоо шарттарын жана технологиялык прогрессти эске алуу.
«Журналда билим берүүчү маалыматтардан тышкары, жаштардын социалдык жана руханий маселелери, дүйнө, башка өлкөлөр тууралуу илимий фактыларга негизделген кызыктуу маалыматтар, ошондой эле чыныгы каарман-героолордун жашоосунан алынган жандуу окуялар, алардын спорт, илим, маданияттагы жетишкендиктери Кыргызстанда жана чет өлкөлөрдө бар. Журнал Кыргызстандагы жаштардын руханий, маалыматтык-билим берүү жана интеллектуалдык өнүгүүсүн максат кылат», - деп айтылат билдирүүдө.
Эзиз: kg.akipress.org
