Жаңы окуу жылына даярдык көрүү максатында Бишкек шаарында 2014-жылдын 21-августунан 30-августуна чейин «Алкан Базары» базарында (Кожевенная көчөсү, 74, ТРК «Дордой») өлкөнүн жеңил өнөр жайынын товарларынын жылдык жарманкеси «Made in KG» башталат. Иш-чаранын максаты эл аралык соода мамилелерин түзүү, «Made in KG» брендин популяризациялоо жана Кыргызстандагы жеңил өнөр жайын өнүктүрүү болуп саналат. Эске салсак, быйыл «Алкан Базары» базары Кыргызстандагы бардык оптовик базарлар арасында «Бизнес мыктыны тандайт» конкурсуна катышып, биринчи орунду ээледи.
Жарманкени уюштуруучулар катары ОсОО «Алкан Базары» жана Кыргыз Республикасынын жеңил өнөр жайынын ишканаларынын ассоциациясы «Легпром» чыгышат.
Иш-чарага кызыккан аудиторияга борбордун бардык тургундары жана коноктору кирет. Бул жарманке мектеп окуучулары, алардын ата-энелери жана студенттер үчүн абдан пайдалуу болот, анткени алар жаңы окуу жылына толук даярдалышат. Товарлардын ассортименти абдан кеңири болот: бардык үчүн кийимдер, трикотаж, мектеп формасы, бут кийим жана канцелярдык буюмдар.
ОсОО «Алкан Базары»нын генеральдык директору Арпачиева Б.: «Жарманкенин негизги максаты - мектепке даярдап, окуучуларыбызды кооз жана жеткиликтүү кийимдер менен камсыз кылуу, үй-бүлөнүн бюджети боюнча ооруксунбай, ошондой эле биздин жергиликтүү өндүрүүчүлөр менен керектөөчүлөрдүн ортосундагы байланыштарды бекемдөө жана чет өлкөлүк өнөктөштөргө биздин өлкөбүздү жана «Made in KG» маркасын абройлуу көрсөтүү»,-деп белгиледи.
Ошентип, «Made in KG» ишкер адамдар үчүн да маанилүү окуя болуп калат. Жергиликтүү жана чет элдик ишкерлер жаңы соода мамилелерин түзүп, өз бизнеси үчүн мүмкүнчүлүктөрдү кеңейтүүгө мүмкүнчүлүк алышат. Бул категориядагы катышуучулар үчүн бардык зарыл инфраструктура берилет: атайын жабдылган аймакта 80ден ашык көргөзмө павильондору, жети комфорттуу мейманкана, 300 унаа үчүн асфальтталган автостоянка, кафе жана банктар жайгашат.
Уюштуруучулар жарманкенин өткөрүү үчүн «Алкан Базары» базарын (ТРК) Дордойду тандап алышкандыгы бекеринен эмес. Анткени, бул жерде дээрлик бардык жергиликтүү тигүү компаниялары соода ишин жүргүзүшөт.
Жарманкенин салтанаттуу ачылышы 21-августта саат 10:00дө жогорку даражадагы коноктордун катышуусунда өтөт, ал кызыктуу көңүл ачуучу программа жана Кыргызстандык дизайнерлердин коллекцияларынын көрсөтүлүшү менен коштолот.
Кошумча маалыматты төмөнкү телефон аркылуу алсаңыз болот:
0772 009120
