Эки оттун ортосунда

Түркиянын аскердик аба күчтөрү орус Су-24 бомбалоочусун Сириядагы терроризмге каршы операцияда атып түшүргөндөн кийин, Россия менен Түркиянын ортосундагы мамиле кескин начарлады. Түркия тараптын өз күнөөсүн мойнуна алуудан жана кечирим сурауудан баш тартуусуна жооп катары, РФ өкмөтү Түркияга экономикалык санкциялар киргизди. Бул жагдайда Россиянын Евразия экономикалык биримдигиндеги өнөктөш өлкөлөр, анын ичинде Кыргызстан, абдан кыйын абалда калды. Бир жагынан, Россиянын позициясын колдоо логикалуу, экинчи жагынан – Түркия менен көптөн бери түзүлгөн экономикалык байланыштарды бузуу да оңой эмес.

Кыргызстандагы Өнөр жайчылар жана ишкерлер ассоциациясынын төрагасы Жыргалбек Сагынбаевдин пикири боюнча, экономика саясатка көз каранды болбошу керек.
- Түркиялык бизнес Кыргызстанда абдан активдүү иштеп жатат, жана мен бул жагдайдын өзгөрөрүнө ишенбейм, - деди ал ИА. - Албетте, орус санкцияларынын бир аз таасири болот. Чектөөлөр, Россиянын муктаждыктары үчүн товарларды өндүргөн жана эркин экономикалык зонада катталган компанияларга тиешелүү болот. Кыргызстанда кичинекей базар бар, Түркия үчүн чоң кызыгууну жаратпайт, ошондуктан Кыргызстанда иштеп жаткан айрым түркиялык компаниялар орус керектөөчүлөрүнө багытталган жана өзүнүн акыркы продуктусун Россияда сатууга умтулушат. Мындай товарлор үчүн орус базары жабык болот. Бирок Кыргызстанда өз кызыкчылыктары бар, Кыргызстандын субъекту катары катталган жана кыргыз бюджетине салык төлөгөн түркиялык бизнес менен көйгөй болбошу керек.

Орус санкциялары Түркияга каршы бир нече түркиялык товарларга гана эмес, ошондой эле эки өлкөнүн ортосундагы чартердик аба жүк ташууларга, түркиялык жарандарды жумушка алуу жана Түркиянын юрисдикциясындагы уюмдардын ишмердүүлүгүнө да таралат. Өткөн жумада РФ премьер-министри Дмитрий Медведев өкмөткө ЕАЭБдеги өнөктөштөр менен Түркиядан Россияга жана анын аймагы аркылуу жүк ташууларды токтотуу же чектөө маселелерин талкуулоону тапшырды. Премьер-министрдин айтымында, бул «проблемалардан жана манипуляциялардан» качууга жардам берет, алар Евробиримдиктен келген товарларды жеткирүүгө коюлган тыюу менен байланышкан.