Ал ЕБРРге Кыргыз Республикасын социалдык-экономикалык өнүктүрүүгө көрсөткөн жардамдары үчүн ыраазычылык билдирди. Өзгөчө, 1995-жылдан бүгүнкү күнгө чейин бул банк тарабынан жалпы суммасы 457 миллион евродон ашуун 111 долбоор бекитилгенин белгиледи.
Премьер-министр жеке секторду өнүктүрүү боюнча кызматташууну активдештирүүнүн маанилүүлүгүн, ошондой эле энергетика жана транспорт системасындагы инфраструктуралык долбоорлордун алкагында кызматташуунун маанилүүлүгүн өзгөчө белгиледи. Мындан тышкары, КРдин Бажы биримдигине кирүү процесси боюнча европалык өнөктөштөр менен кызматташуу зарылдыгын айтты.
Өз кезегинде Сума Чакрабарти КРга инвестицияларды олуттуу көбөйтүү жөнүндө билдирди.
- Биздин чечим бир нече факторлор менен аныкталган, - деди ал. - Кыргызстанда экономика динамикалуу өсүп жатат, коррупцияга каршы активдүү күрөш башталды, демократиянын өнүгүшү жүрүп жатат жана өкмөт тарабынан өнүктүрүү өнөктөштөрү менен абдан кесипкөй иш алып баруу боюнча координация жакшырды.
