Чүй облусунун КР өкмөтүнүн ыйгарым укуктуу өкүлүнүн аппаратында 13-мартта Улуу Жеңиштин 70 жылдыгына арналган фото көргөзмөнүн презентациясы өттү, деп билдирет аппараттын басма сөз кызматы.
Фото көргөзмөнүн максаты – өткөн баатырлык доорду көрсөтүү жана анын образын жаш муундун эсинде сактоо, ошондой эле кыйынчылыкка толгон согуш мезгилинде патриотизмди жана мекенге болгон сүйүүнү көрсөтүү.
Быйыл биз Улуу Жеңиштин 70 жылдыгын белгилеп жатабыз, жана бул юбилейлик датага Кыргызстанда гана эмес, дүйнө жүзүндө да өзгөчө көңүл бурулууда.
«Белгилей кетсек, республика боюнча 174 Улуу Ата Мекендик согуштун ардагери калды, жана жыл өткөн сайын алардын саны азайып жатат, биз аларга түбөлүк ыраазы болушубуз керек. Бул фото көргөзмө – биринчи кезекте биздин баатырларыбызга болгон эскерүү, жана жаш муун патриотторду, өмүрүн баалап, жеңишти жана тынчтыкты алып келген адамдарды унутпашы керек», - деди Чүй облусундагы КР өкмөтүнүн ыйгарым укуктуу өкүлү К.Исаев.
Мындан тышкары, иш-чаранын бардык катышуучулары Улуу Жеңиштин баатырларынын фото стенддерине гүл коюшты.
Мындай фото көргөзмөлөр облусунун бардык райондорунда уюштурулат.
