Көчмөндөрдүн дүйнөлүк оюндарынын аудиториясы 500 миллион кишиге жетиши мүмкүн
Сентябрь айында Ысык-Көлдө өтүүчү Дүйнөлүк кочмондор оюндарынын аудиториясы 500 миллион адамга жетиши мүмкүн. Бул тууралуу бүгүн пресс-конференцияда Туризм департаментинин директору, КРнын Маданият, маалымат жана туризм министринин орун басары Максат Чакиев билдирди.
Анын айтымында, оюндардын уюштуруу комитети жана бардык уюштуруу-техникалык камсыздоо жана мелдештерге даярдыкты аткаруучу секретариат түзүлгөн. Бардык коюлган тапшырмалар аткарылууда. 9-сентябрда оюндардын расмий ачылышы белгиленген. Церемония технологиялык болуп, 3D-анимация жана жарык шоу колдонуу менен өтөт. «Расмий адамдардын чыгышын даярдап жатабыз, президенттин чыгышын күтүп жатабыз», - деди Максат Чакиев.
Маалыматка ылайык, 10-13-сентябрда улуттук спорттун түрлөрү боюнча мелдештер өтөт, 14-сентябрда расмий жабылышы белгиленген. Ошондой эле көрсөтмө оюндар болот, кииз үй шаарчасы уюштурулат. Мындан тышкары, эки ири фестиваль өтөт: этнографиялык багыттагы жана катышуучу өлкөлөрдүн улуттук тамак-ашы боюнча. Ремеслендик буюмдардын этно-көргөзмөсү, этно-fashion боюнча улуттук кийимдердин көрсөтүлүшү уюштурулат. «Бардыгыбызды кызыктуу жана жыш программа күтүп турат», - деп белгиледи Максат Чакиев.
ИА «24.kg»нын кабарчысы тарабынан мелдештердин жарнамасы жана күйөрмандарды тартуу боюнча берилген суроого жооп берип, ал жарнамалык роликтер жана маалыматтык кампания ушул жумада башталаарын айтты. Келечектеги жумада роликтер борбордук телеканалдарда жана Интернетте көрсөтүлөт. Күйөрмандар үчүн өзүнчө трибуна бөлүнөт, ал жакка каалаган адам келип, мелдештерди башынан аягына чейин акысыз көрө алат.
ИА «24.kg»га оюндардан күтүлгөн киреше тууралуу берилген суроого Максат Чакиев, оюндар 40 өлкөдө трансляцияланарын айтты. Көрүүчүлөрдүн аудиториясы 200 миллион адамды түзөт. Чектеш мамлекеттердин телеканалдары менен сүйлөшүүлөр аяктоонун алдында турат. Онлайн режиминде интернет-трансляция уюштурулат, - деп кошумчалады министрдин орун басары.
Источник: 24.kg
