Дүйнөлүк кочмандар оюндарына 45 миң адам катышты, алардын ар бир онунчу – чет элдик. Бул тууралуу Facebook’та Кыргыз Республикасынын маданият, маалымат жана туризм министринин орун басары, Туризм департаментинин директору Максат Чакиев билдирди.
«Туризм департаментинин маалыматына ылайык, Оюндарга 45 000 адам катышты. Аткаруу аземинде ипподромдо 15 миңден ашык көрүүчү болду. Алардын 10% (4-4,5 миң адам) – чет элдик туристтер»,- деп жазды М. Чакиев социалдык тармактагы баракчасында. Анын эсептөөлөрүнө ылайык, оюндардын күйөрмандары жана көрүүчүлөр Кыргызстан бюджетине дээрлик 10 миллион доллар киреше алып келди.
«Чет элдик туристтер (киреше алып келди) – 1,8 миллион доллар. Ар бир турист орточо 400 долларды 1 тур үчүн (оюндар учурунда) коротот. Ички туристтер – 8,1 миллион доллар. Ар бир ички турист орточо 200 долларды тур үчүн коротот. Оюндардан өлкөгө жана Ысык-Көл регионуна келген жалпы киреше – 9,9 миллион доллар. Алгачкы Оюндар үчүн 102 миллион сом бөлүнгөндө, бул жаман эмес деп ойлойм», — деди М. Чакиев.
Источник: кыргызское телеграфное агентство www.kyrtag.kg
