Кыргыз Республикасынын Г. Айтиева атындагы мамлекеттик көркөм сүрөт музейи ири фото көргөзмөнү өткөрүүгө даярданып жатат. 9-январда Бишкекте 2014-жылдагы эл аралык фото журналистика боюнча World Press Photo конкурсуна катышкан мыкты иштердин көргөзмөсү башталат.
Көргөзмөнүн куратору Елена Воронина билдиргендей, экспозициянын уникалдуулугу, бул конкурс дүйнөлүк деңгээлде престиждүү болгону менен эле чектелбейт. Борбордук Азияда World Press Photo өз тарыхында экинчи жолу болуп жатат. Кыргызстанга декабрь айында келгенге чейин, жыл сайын 2 миллионго жакын адам катышкан иш-чара Казакстанда — Астана жана Алматы шаарларында өткөрүлгөн. World Press Photo–2014 көргөзмөсү Бишкекте 9-январдан 22-январга чейин болот. Бул убакыт аралыгында шаардыктар 2014-жылы конкурс жюри тарабынан мыкты деп табылган 140дан ашык сүрөттү көрө алышат.
Макалада 2014-жылы мыкты конкурс иши деп табылган сүрөт колдонулган. Сүрөттү тарткан америкалык Джон Станмейер (John Stanmeyer) Джибутиде (Түндүк Африка) мобилдик байланыштын алсыз сигналын кармоо моментин чагылдырган.
Кыргызстанга Нидерланд Королдугу, Канада жана ОБСЕнин дипломатиялык миссияларынын колдоосу менен алып келинген көргөзмө 9-январда саат 16:00дө КНМИИде расмий түрдө ачылат. Бул жылы, иш-чаранын куратору билдиргендей, World Press Photo–2014тун мыкты иштерин 40тан ашык өлкөдөгү 105 музей жана галереяда көрсөтөт. Традиция боюнча биринчи өткөрүүчү жай Амстердам болду: жыйынтыктар жарыяланган соң, фото көргөзмө ошол жерде башталып, эки ай бою иштейт, андан кийин дүйнө жүзү боюнча саякаттайт. Уюштуруучулардын маалыматы боюнча, жыл сайын аны 2 миллионго жакын адам көрөт. Өткөн жылы конкурска 5 754 фотограф катышкан.
