Ош шаарындагы улуттук тарыхый-археологиялык «Сулайман-Тоо» музей комплексинде Эл аралык эстеликтер жана тарыхый жерлер күнү белгиленүүгө даярдык көрүлүүдө. Бул тууралуу музей комплексинин табигатты сактоо жана маданий мурастарды коргоо бөлүмүнүн жетекчиси Хайрулло Ибайдулаев билдирди.
Анын маалыматына ылайык, музей комплексинде музейдин ишмердүүлүгү жана маданий мурастарды сактоонун зарылдыгы тууралуу презентация көрсөтүү пландалууда. Иш-чарада илимпоздор жана башка көрүнүктүү ишмерлер, ошондой эле жогорку окуу жайларынын студенттери жана мектеп окуучуларынын чыгышы күтүлүүдө.
