Гана королу Отумфуо Осей Туту II АКШда кыргыз боорсоктору менен сыйланды. Венценосная особа өзүнүн коштоочулары менен Ньюарк шаарында өткөн Эл аралык күн (International day) фестивалында Кыргызстандын стендиси менен таанышып чыкты, ал фестиваль 22-ноябрда өткөн. Бул тууралуу бүгүн, 24-ноябрда, чет өлкөдөгү кыргызстандыктар коомдук бирикмесинин жетекчиси Айбек Хакимов билдирди.
"Гана королу Отумфуо Осей Туту II фестивалга өз өлкөсүн таанытуу максатында келгендиги бардыгы үчүн чоң сюрприз болду. Ал Кыргызстандын стендиси менен таанышып, Kyrgyz Club активисттери менен ырахаттанып сүрөткө түштү. Стендде өлкө жөнүндө маалымат, кийизден жасалган буюмдар коюлган жана Кыргызстан жөнүндө видеоролик көрсөтүлдү. Традициялык кийим кийген кыздар фестивалдын конокторуна боорсокторду сунуштап, табигаттын сүрөттөрү менен календарьларды тартуулашты. Биздин өлкөнүн стенди эң популярдуу болду, фестивалдын бардык коноктору биздин кыздар менен сүрөткө түшүштү", - деди Хакимов.
Ошондой эле, Нью-Джерси штатынан конгрессмен Доналд Пэин Кыргызстанга тиешелүү экспозицияны көрүп чыкты, ал эл аралык фестивалдын патрону болуп, америкалыктарды ар түрдүү өлкөлөрдүн маданий мурасы менен тааныштыруу максатын көздөгөн. Конгрессмен белексиз кеткен жок - ага улуттук калпак тартууланды, ал дароо сүрөткө түштү.
Булак: vb.kg
