Көчмөндөрдүн Дүйнөлүк Оюндарынын даярдыгы жана өткөрүлүшү үчүн бөлүнгөн каражаттар максаттуу пайдаланылууда
Маалыматка ылайык, оюндарды даярдоо жана өткөрүү боюнча секретариат 1-сентябрда республикалык интернет басылмалардын биринде жарыяланган, финансылык маалыматтар менен байланышкан маалыматка байланыштуу түшүнбөстүк билдирүүдө. Бул боюнча секретариат бөлүнгөн каражаттар кочмондор оюндарына даярдык көрүү жана өткөрүү үчүн инфраструктураны жакшыртуу жана Ысык-Көл облусунун айрым объекттерин колдоо боюнча иш-чаралар планына ылайык максаттуу колдонулуп жатканын билдирет, анда негизги иш-чаралар өткөрүлүүчү жерлер, оюндардын маалыматтык колдоосу жана башка уюштуруу маселелери кирет.
"Секретариат үчүн офис арендасына каражаттар сарпталган жок, анткени Раззакова, 100 дарегинде жайгашкан офис (мурунку "Асель" ательеси) Кыргыз Республикасынын президенти жана өкмөтүнүн иш башкармалыгы тарабынан акысыз берилген.
Канцелярдык товарлар жана секретариаттын кызматкерлери үчүн бардык оргтехника да АПП КРнын иш башкармалыгы тарабынан берилген, алар оюндар аяктагандан кийин кайра кайтарылат.
Кызматкерлер үчүн аталган айлык бөлүнбөйт, анткени секретариаттын бардык кызматкерлери оюндарды даярдоо жана өткөрүү учурунда тиешелүү министрликтерден жана ведомстволордон жиберилген, ошондуктан айлык негизги жумуш ордунда төлөнөт жана андан ашпайт", - деп айтылат билдирүүдө.
Кочмондор оюндарына даярдык көрүү жана өткөрүү үчүн чоң каражаттар өнөктөштөр жана демөөрчүлөр тарабынан бөлүнгөн. Ошентип, интернет басылмаларда аталган "Кыргызстан жөнүндө роликтер жана презентациялык фильм даярдоо", баннерлер, оюндарды "жарнамалоо", ТВ жана радио аркылуу трансляциялоо (телеканалдар жана радиостанциялар менен медиа-өнөктөштүк келишимдери аркылуу) үчүн бөлүнгөн каражаттар мамлекеттик бюджетте такыр каралган эмес жана толугу менен демөөрчүлөрдүн каражаттары менен жабылат.
Веб-сайтты түзүү жана колдоо үчүн $4 миң сарпталган, ал эми интернет басылмаларда белгиленген $130 миң эмес.
Ошондой эле, 72,5 миллион сомдук бюджеттик каражаттар ипподромду реконструкциялоого түздөн-түз сарпталууда, реконструкциядан кийин 600 орундук ипподром 7000 көрүүчүнү кабыл алат.
"Ошол эле учурда, бардык иштеп жаткан инфраструктура Кыргызстанда калат, ал эми ипподром кийинчерээк Ысык-Көл облусунда Кыргызстандын элинин кызыкчылыгы үчүн, туризмди жана спортту өнүктүрүү максатында колдонулат", - деп белгиленди секретариатта.
Ошондой эле, кочмондор оюндары аяктаган соң секретариат демөөрчүлөрдүн катышуусунда кеңейтилип пресс-конференция өткөрүүнү пландаштырууда, анда демөөрчү жардамдарына сарпталган каражаттар боюнча бардык маалыматтар кошумча берилет.
Секретариат ошондой эле мындай жалган маалыматтарды таратуу провокациялык мүнөзгө ээ экенин жана оюндарды өткөрүүгө эч кандай оң жардам бербестигин эсептейт, анткени катышуусун тастыктаган коноктор жана спорттук командалар Азербайжан, Башкортостан, Беларуссия, Бразилия, Казахстан, Литва, Монголия, Тажикстан, Татарстан, Чувашиядан келишет.
Оюндардын негизги иш-чаралары ОТРК, ЭЛТР, ТРТ "Аваз" (Түркия), МИР (ТМД), НТС телеканалдарында түз эфирде көрсөтүлөт. Иш-чараны чагылдыруу үчүн 100дөн ашык кыргызстандык журналисттер жана эл аралык ЖМК өкүлдөрү аккредитациядан өтөт, учурда 30дан ашык чет элдик ЖМК аккредитациядан өттү, алардын арасында BBC телеканалы (Улуу Британия), "Россия" телеканалы (РФ), ТРТ "Аваз" (Түркия) жана Түркия, Кытай, Иран, Казахстан, Азербайжан, Түркмөнстан, Тажикстан, АКШ, Улуу Британия, Россия жана Нидерландиянын ЖМК өкүлдөрү бар.
