Ысык-Көлдө, Чолпон-Атада 3-сентябрдан 7-сентябрга чейин II эл аралык «Салбуурун» фестивалы өтөт.
Фестиваль Дүйнөлүк кочмондор оюндарынын алкагында өтөт. «Салбуурун» аңчылык процессин жана ага байланыштуу бардык салттарды практикада көрсөтөт. Иш-чарага дүйнөнүн 30дан ашык өлкөсүнөн (Катар, БАЭ, Сауд Арабиясы, Египет, Алжир, Тунис, Марокко, Индонезия, Тайланд, Вьетнам, Япония, Кытай, Пакистан, Монголия, Корея, Түштүк Африка, Түркия, Украина, Грузия, Азербайджан, Германия, Ирландия, Казакстан, Өзбекстан, Түркмөнстан жана башка) соколиный клубдар жана ассоциациялар катышат.
Фестивалдын максаты «элдердин достугун бекемдөө, ошондой эле соколиный клубдардын дүйнө жүзүндөгү кызматташтыгын колдоо, аңчылык менен байланышкан маданий мурастарды сактоо» болуп саналат.
