Туризм департаменти Кыргызстан жөнүндө имидждик роликти аяктоодо

Туризм департаменти Кыргызстан тууралуу имидждик ролик үстүндө иштеп жатат. Бул тууралуу XVI Эл аралык туристтик жарманкеде "Иссык-Куль-2014" пресс-конференцияда департаменттин башчысы Максат Чакиев билдирди.

Анын айтымында, материал Кыргызстандын күчтүү жактарын көрсөтүп, анын позитивдүү имиджин түзүүгө жардам бериши керек. "Азыркы учурда Кыргызстан тууралуу маалыматтын көбү терс мүнөздө жана өлкөдөгү коомдук-саясий кырдаал менен байланыштуу", - дейт Чакиев.

Сюжеттин мазмуну азырынча ачылган жок. Бирок, Чакиевдин айтымында, видеоматериал май айынын аягында - июнун башында кеңири коомчулукка сунушталат. "Бул материалды маалымат катары каалагандар пайдалана алышат. Роликтин көчүрмөлөрү бардык элчиликтерге жана консулдуктарга жөнөтүлөт, ошондой эле туристтик бизнес өкүлдөрүнө тапшырылат. Мындан тышкары, ал интернетте ачык жеткиликтүү болот", - деп түшүндүрдү департаменттин башчысы.