Кыргызстандагы туризм тармагынын динамикалуу өнүгүшү
Кыргыз бийлиги бизнеске тоо лыжа туризмин өнүктүрүүгө чакырды
Кыргызстандагы туризм тармагы динамикалык өнүгүүдө, 2019-жылдын алты айында республикадагы туризмдин экономикадагы үлүшү 4,3% түздү. Бул тууралуу вице-премьер-министр Алтынай Омурбекова бүгүн, 5-ноябрда, ведомстволор аралык комиссиянын жыйынында билдирди.
Анын айтымында, Кыргызстан чет элдик жарандар үчүн — өнүккөн араб мамлекеттеринин резиденттери үчүн жөнөкөйлөтүлгөн визалык режимди киргизген ТМДдагы биринчи өлкө болду. Ошондой эле 5тен 15ке чейин туристтик топтордун курамындагы чет элдик жарандардын келип кирүү процессин жөнөкөйлөтүү жүргүзүлдү.
Кышкы туризм жана тоо лыжа базалары тууралуу сөз кылганда, Омурбекова республика боюнча 15 тоо лыжа базасы иштеп жатканын, бирок бул базалар Чүй жана Ысык-Көл облустарында гана жайгашканын белгиледи.
«Кыргызстандын 90% дан ашык аймагы тоолордон турганын эске алганда, өлкөнүн башка аймактарында да тоо лыжа базаларын курууну карап чыгуу керек. Бул үчүн чет элдик жана жергиликтүү инвестицияларды тартуу менен бар болгон тоо лыжа базаларынын ишин жандантуу зарыл», — деп жыйынтыктады вице-премьер.
