1-сентябрга чейин Кыргызстанда 23 мектепти бүтүрөт
1-сентябрга чейин Кыргызстанда 23 мектеп курулат, бул тууралуу билим берүү жана илим министри Канат Садыков өлкөнүн президенти Алмазбек Атамбаев менен болгон жолугушуусунда билдирди.
Анын айтымында, 2014-2015-окуу жылында өлкөдө 2 миң 204 мектеп иштейт, аларда 1 миллионго жакын окуучу билим алат жана 927 бала бакча 132 миң 500 баланы камтыйт.
Ошондой эле Садыков быйыл 56 билим берүү объектисинин курулушун аяктоо пландалганын, анын 23ү 1-сентябрга чейин пайдаланууга берилерин айтты.
Президент жана министр жогорку билим берүү системасын оптимизациялоо маселелерин да талкуулашты. Алмазбек Атамбаев жогорку билим берүү системасын реформалоодо негизги приоритеттер билим берүүнүн сапатын жогорулатуу жана өлкөнүн жогорку окуу жайларында коррупцияны жоюу болушу керектигин белгиледи.
Эл аралык маалымат булагы: K-News
