Нарынбаев Азиз Исаджанович

Нарынбаев Азиз Исаджанович (1924),

философия илимынын доктору (1970), профессор (1979), Кыргыз ССРинин корреспондент мүчөсү (1989)

Уйгур. Ысык-Көл облусунун Каракол шаарында төрөлгөн.

Фрунзе педагогикалык институтун (1947) жана МГУнун аспирантурасын (1952) аяктаган.

КЖПИнин кафедра башчысы, сырттан окуу педагогикалык институтунун ректору, ИФиПтин сектор башчысы, 1977-жылдан тартып - НАН КРнын философия кафедрасынын башчысы болуп иштеген.

Чыгыш элдеринин коомдук-философиялык ой-пикирлеринин адиси.

Улуу Ата Мекендик согуштун ордендери, Ардак Белги, СССРдин медалдары, Кыргыз ССРинин Ардак Грамотасы жана Грамотасы менен сыйланган.

Кыргызстандын эмгек сиңирген илимпозу. 250дөн ашык илимий эмгектери, анын ичинде 17 монография жана окуу куралдары жарыяланган.

Анын жетекчилиги астында 1 докторлук жана 20 кандидаттык диссертация корголгон.

Негизги эмгектери:

1. Уйгурлардын XIX кылымдын экинчи жарымындагы прогрессивдүү коомдук-философиялык ой-пикири. Фрунзе, «Илим», 1988.
2. М.Кашгари - орто кылымдагы коомдук ой-пикирдин классиги. Бишкек, КСХИ, 1993.
3. Эски жана орто кылымдагы уйгурлардын коомдук ой-пикиринин тарыхынан. Бишкек, «Илим», 1994.
4. Кыргызстанда илим катары философиянын пайда болушу жана өнүгүшү. Бишкек, «Элпек», 1999.
5. Уйгур просветительлеринин философиялык ой-пикири (автордук биргелешип). Бишкек, «Элпек», 2000.