Ош облусунун Кара-Кульджа районунда Кыргызстандын Кызыл китебине кирген беркутту мыйзамсыз кармоо фактысы катталды. Бул тууралуу маалымат Кыргызстандын Табигый ресурстар, экология жана техникалык көзөмөл министрлигинен алынды.
Ош облустук экологиялык жана техникалык көзөмөл кызматынын инспекторлору NABU өкүлдөрү жана «Барс-2» тобунун мүчөлөрү менен биргеликте бул иш боюнча зарыл чараларды көрүштү.
Текшерүүнүн натыйжасында укук бузуучуга каршы протокол түзүлүп, 20 000 сом өлчөмүндө айып пул салынды.
Алынган беркут ийгиликтүү өзүнүн табигый жашоо чөйрөсүнө кайтарылды.
