Бул жылы Бишкекте бардык таштанды полигондорун жабуу пландалууда. Табигый ресурстар, экология жана техникалык көзөмөл министрлигинин экологиялык жана техникалык көзөмөл кызматынын орун басары Бекжан Султангазиев бул тууралуу Жогорку Кеңештин комитетинин жыйынында билдирди.
Ал белгилегендей, бир гана борбордук полигон иштейт, анда курулуш калдыктарын сактоо үчүн атайын жай уюштурулат.
«Күйгүзүүгө жатпаган бетон сыяктуу калдыктар ошол жерде жайгаштырылат. Бул жылы шаардык мэрия бул долбоор боюнча иштерди аяктоону пландап жатат», - деп кошумчалады Султангазиев.
