Экология жана техникалык көзөмөл министрлигинин экологиялык мониторинг департаментине караштуу лабораториялар, эл аралык стандарттар боюнча ГОСТ ISO/IEC 17025-2019 аккредитациясынан ийгиликтүү өттү.
Министрликтин маалымат кызматынан билдиришкендей, эми бул лабораториялар ILAC (International Laboratory Accreditation Cooperation) эмблемасын колдонууга укуктуу, бул 70 өлкөдө 43 миңден ашык лабораторияны камтыган сапат белгиси болуп саналат.
Министрлик, Ош, Баткен жана Жалал-Абаддагы лабораторияларда жүргүзүлгөн аба, суу жана топурак боюнча изилдөөлөрдүн натыйжалары эми эл аралык аренада юридикалык күчкө ээ болуп, эл аралык соттук териштирүүлөрдө колдонулушу мүмкүн экенин белгиледи.
Алынган аккредитация ошондой эле колдонулган жабдуулар, изилдөө методдору жана адистердин квалификация деңгээли эл аралык стандарттарга жооп берерин көрсөтөт.
Бул кадам Кыргызстандагы экологиялык коопсуздук системасын модернизациялоонун узак мөөнөттүү стратегиясынын маанилүү элементи болуп саналат.
