«Ала-Арча» табият паркынын директору Кубанычбек Жекшенбеков «Кабар» агенттигине билдиргендей, чектөөлөрдү киргизгенден кийин парктагы таштандылардын көлөмү кыйла азайган.
«Мурда биз айына 350 тоннага чейин таштанды алып чыгып жүрсөк, азыр бул сан 100–150 тоннага чейин азайды. Тазалык кыйла жакшырды, өсүмдүктөр активдүү калыбына келүүдө. Ошондой эле, жабайы жаныбарлардын санынын көбөйгөнү байкалууда, алар азыркы учурда коноктордун арасында көбүрөөк кездешүүдө. Ар жыл сайын 1000ден 1500гө чейин ар кандай түрдөгү дарактар отургузулат, адамдар эми көбүрөөк жөө жүрүүгө жана табиятка көбүрөөк кам көрүүгө аракет кылышууда», - деп кошумчалады ал.
