Ташиев өлкөдө электр энергиясынын жетишсиздиги байкалып жатканын, бул болсо керектөөнүн көбөйүшүнүн натыйжасы экенин белгиледи. «Учурда жаңы курулуштардын жана өндүрүштөрдүн ачылышынын натыйжасында электр энергиясына болгон керектөө өсүүдө. Биз бийликке келгенде керектөө 2 миллиард киловатт-саат болсо, азыр 4 миллиардга жетти. Жаратылган энергиянын көлөмү 15 миллиарддан 19 миллиард киловатт-саатка чейин көбөйсө да, бул дагы жетишсиз», — деди ал.
Бул көйгөйдү чечүү үчүн Ташиев инвесторлор менен сүйлөшүүлөрдү өткөрүп, натыйжада ири айылдарда күн электр станцияларын түзүү боюнча макулдашууга жетишилди. Бул станциялар калкты күн энергиясы менен күнүнө 5-6 саат, түнкүсүн 2 саат электр энергиясы менен камсыздай алат. Ошентип, күнүнө 7-8 саат электр энергиясы күн энергиясынын эсебинен берилет», — деп кошумчалады ал.
Мындан тышкары, Ташиевдин айтымында, Чаткал районунда алты ири гидроэлектр станциясынын курулушу башталды. «Биз Чаткалда кандай дарыялар агып жатканын билебиз жана бул ресурсту электр энергиясын өндүрүү үчүн пайдаланабыз», — деп жыйынтыктады ал.
