Акыркы маалыматтар боюнча, 2025-жылдын октябрь айында дүйнөдөгү борбордук банктар алтын запастарды активдүү көбөйтүп, жалпы 53 тонна кымбат металл сатып алышты.
Польша Улуттук банкы кайрадан рынокко чыкты, ал 16 тонна алтын сатып алып, жалпы резервдерин 531 тоннага чейин көбөйтүп, кымбат металлдын эң ири сатып алуучусу болду.
Бразилиянын борбордук банкы да запастарды көбөйтүүнү улантууда, экинчи ай подряд 16 тонна алтынды резервдерине кошту.
Башка кымбат металл сатып алуучулардын арасында Өзбекстандын борбордук банкы (9 тонна), Индонезия банкы (4 тонна), Түркиянын борбордук банкы (3 тонна) жана Чехиянын улуттук банкы (2 тонна) бар. Гана, Кытай, Казакстан жана Филиппиндердин борбордук банктары да ар бири 1 тоннадан ашык алтын сатып алышты.
Кыргызстандын Улуттук банкы запастарды 2 тоннага көбөйтүп, борбордук банктар арасында алтын сатып алуулар боюнча дүйнөдө 15-орунга чыкты.
