Кыргызстандын Улуттук банкы берген маалыматка ылайык, быйылкы жылдын башынан бери банктардын кредиттик портфели 40,2% га өсүп, 477,7 миллиард сомду түздү.
Финансылык жөнгө салуучу ошондой эле банктар секторунун активдери 38% га көбөйүп, 1 125,2 миллиард сомго жеткенин билдирди. Кардарлардын депозиттик базасы 35% га өсүп, 800 миллиард сомду түздү.
Мындан тышкары, ислам принциптери боюнча финансылык каржылоонун көлөмү 91,5% га өсүп, 17,3 миллиард сомду түздү.
2023-жылдын 31-октябрына карата өлкөдө 21 коммерциялык банк жана 306 алардын филиалдары иштеп жатат.
