Turmush агенттигинин кабарчысы билдиргендей, №151 көчөсү «Жибек-Жолу» муниципалдык аймактык башкармалыгынын карамагында. Объектилердин ачылышына жергиликтүү тургундар жана шаар бийлигинин өкүлдөрү чогулушту.
Көпүрөнүн узундугу 9 метр, туурасы 21 метр, эки жагында жөө адамдар үчүн тротуарлар менен жабдылган. Ошондой эле долбоордо жашыл зона, суу түтүктөрү жана ирригациялык жээкчелер каралган.
Шамшиева көчөсү толугу менен жаңыланып, кыймыл үчүн ачылды. Узундугу 600 метрге жетип, төрт тилкеге кеңейтилип, жолдун туурасы 22 метрге чейин кеңейтилди.
Мындан тышкары, «Жибек-Жолу» МТУнун карамагындагы №151 көчөнүн 1400 метри асфальтталды. Жумуштар 2025-жылдын сентябрь айында башталып, декабрь айында аяктады. Долбоорду ишке ашырууга ОсОО «Сапат Курулуш» компаниясы жооптуу болуп, жумуштун жалпы баасы 36 миллион сомдон ашат.
Юстиция министрлигинин маалыматы боюнча, ОсОО «Сапат Курулуш ЛТД» 2025-жылдын 27-январында кайра катталган. Компаниянын негиздөөчүсү жана жетекчиси Абдыкаров Жылдызбек Мийзамидинович болуп саналат. Бул уюм имараттарды куруу боюнча адистешкен.
